ഇടതു തീവ്രവാദം കളിച്ചുകൊണ്ടു സ്വന്തം വര്‍ഗ്ഗീയ അജന്‍ഡ നടപ്പിലാക്കാന്‍ പാടുപെടുന്ന ജമാ അത്തിന്റെ സ്വ.ലേ ക്ക് വേറെ എന്തു നിലപാടുണ്ടാവാന്‍ ?

വഴിയേ നടക്കുന്ന ആരെയും താറടിക്കാന്‍ ഇപ്പോള്‍ ഒരെളുപ്പവഴിയുണ്ടല്ലോ കേരലത്തില്‍ : ചുമ്മാ ഫണ്ട് ഫണ്ട് എന്നു അയാളെ ചൂണ്ടി വിളിച്ചുകൂവിയാല്‍ മതി…. പിന്നെ വ്യാഖ്യാനത്തിനു നവലിബറലിസം, പുത്തന്‍ സാമ്പത്തികക്രമം, ആഗോളവല്‍ക്കരണാനന്തരം, എന്‍.ജി.ഓ, മൈക്രോ ഫിനാന്‍സ്, നാലാം ലോകം…. അങ്ങനെ കിടക്കുകയല്ലേ മണിപ്രവാള ഭാഷ.

(വിജു വി നായര്‍ തന്നെ എം.എന്‍ വിജയനെ കുറിച്ചെഴുതിയ ഒരു വിമര്‍ശന ലേഖനമുണ്ട്. വിജയന്മാഷ് മരിക്കും മുന്‍പ്. പിന്നെ ചാവടിയന്തിരം കഴിഞ്ഞ് വേറൊരെണ്ണം. നല്ല അസല്‍ വേര്‍ബല്‍ ഡയറീയ ! അതേ വേന്ദ്രന്‍ ഇപ്പോള്‍ നവലിബറലിസം എന്നൊക്കെ പറയുമ്പോള്‍ വമനേച്ഛ.)

പാഠ്യപദ്ധതി പരിഷ്കരണത്തോടു് അനുകൂലമായ നിലപാടുള്ള ഒരു സംഘം ബ്ലോഗര്‍മാരാണു് ഈ ബ്ലോഗിനു് പിന്നില്‍. എന്നാല്‍ ഞങ്ങള്‍ക്കു് ചില ചില കാര്യങ്ങളില്‍ പാഠപുസ്തകത്തിലെ ഉള്ളടക്കത്തോടു് ചില്ലറ വിയോജിപ്പുകളുണ്ടുതാനും. അവ പക്ഷെ പാഠ്യപദ്ധതിയുടെ ഉദ്ദേശ്യശുദ്ധിയെ കെടുത്താന്‍ മാത്രം പോന്നവയല്ല.

വിജു വി. നായരുടെ ലേഖനം ഇവിടെ എടുത്തുകൊടുത്തിരിക്കുന്നതു്, ഈ വിഷയവുമായി ബന്ധപ്പെട്ടു് വന്ന ഒരു ലേഖനം എന്ന നിലയില്‍​മാത്രമാണു്. അതിന്റെ കണ്ടന്റിനോടു് ഈ ബ്ലോഗ് നടത്തിപ്പുകാര്‍ യോജിക്കുന്നു എന്നു് അതിനര്‍ത്ഥമില്ല. വിവിധ വാദഗതികള്‍ പൊതുസമൂഹത്തിനു മുന്നില്‍ ചര്‍ച്ചയ്ക്കു് വയ്ക്കുക എന്ന ഉദ്ദേശമാണു് ഇതിനു പിന്നില്‍.

വിജുവും വെള്ളെഴുത്തിനെപ്പോലെ തന്നെ പാഠപുസ്തകമാറ്റത്തെയല്ല, പാഠ്യപദ്ധതി പരിഷ്കരണത്തെ തന്നെയാണു് സംശയത്തോടെ കാണുന്നതു്. ഈ പദ്ധതി എം.പി. പരമേശ്വരന്റെ നാലാംലോക സിദ്ധാന്തത്തിന്റെ എക്സ്റ്റന്‍ഷനായി കാണുന്ന സമീപനമാണതു്. അതിനെ തന്നെയാണു് നവലിബറല്‍ എന്നു വിശേഷിപ്പിക്കുന്നതും. സോവിയറ്റ് ചേരിയുടെ തകര്‍ച്ചയ്ക്കു് ശേഷം പാശ്ചാത്യ രാജ്യങ്ങളില്‍ കമ്യൂണിസ്റ്റ് പാര്‍ട്ടികള്‍ എടുത്തണിഞ്ഞ വിശാല ഇടതു് മതേതര സോഷ്യല്‍ ഡെമോക്രാറ്റ് മുഖത്തെ സാമ്രാജ്യത്തേക്കാള്‍ പേടിക്കേണ്ട ഭീകരനായി കാണുന്ന ഇടതുതീവ്രവാദമെന്നു് തെറ്റിദ്ധാരണയുണ്ടാക്കുന്ന വലതുപക്ഷ നിലപാടാണതു്.

കേരള വിദ്യാഭ്യാസം എന്ന ബ്ലോഗിനു് ആ ആശയത്തോടു് യോജിപ്പില്ല.

കേരളത്തിലെ ജാതിമത സാമൂഹികത മനസിലായി..

പടിഞ്ഞാറന് സെക്യുലറിസം എന്തെന്ന് അറിയില്ല. അതിന് സൂചിയുണ്ടോയെന്ന് തീരെ അറിയില്ല.

ജനിച്ചിട്ടിന്നേ വരെ ഒന്നിനും വേണ്ടി നവലിബറല് പരിശ്രമം നടത്തിയിട്ടില്ല. അങ്ങനെയൊരു പരിശ്രമം നടന്നാല് കണ്ടുപിടിക്കാന് അറിയുകയുമില്ല…

വിശദീകരിക്കാന് അറിയുന്ന ആരെങ്കിലും ദയവായി മുന്നോട്ടു വരിക…

പാവം പാഠപുസ്തകം. എന്തെല്ലാം ആരോപണങ്ങളാണ് അതു കേള്ക്കുന്നത്…

ഇത് ശ്രീ.വിജുവിന്റെ ലേഖനത്തിലേതാണ്. ആര്‍ക്കെങ്കിലും ഇതൊന്നു വിശദീകരിക്കാന്‍ പറ്റുമോ?

എന്തൊക്കെയായാലും, ഇതിന്മേലൊരു ചര്‍ച്ച നല്ലതാവും. നമ്മളൊക്കെ എന്തെങ്കിലും മിസ്സ് ചെയ്യുന്നുണ്ടോ എന്നെങ്കിലും മനസ്സിലാവുമല്ലോ.

ഇതിനെ ബേസ് ചെയ്ത് ഒരു സംവാദം ഇടുന്നതിനെ കുറിച്ച് ആലോചനയുണ്ട്. പങ്കെടുക്കാന്‍ താല്പര്യമുണ്ടോ?